• Tá Tú Anseo:
• Baile /
• Foilseacháin /
• Tuarascálacha Bhliantúil /
• Tuarascáil Bhliantúil an Ombudsman 2000

Tuarascáil Bhliantúil an Ombudsman 2000

Caibidil 1 - Réamhrá

Réamhrá

Clúdaíonn an Tuarascáil seo na deich mí dheireanacha de mo chéad téarma mar Ombudsman in éineacht leis an gcéad dá mhí den dara téarma agam. Rinne A Soilse, Máire Mhic Giolla Íosa, Uachtarán na hÉireann, mé a athcheapadh le feidhm ó 1 Samhain 2000 i ndiaidh rún, a rith Dáil Éireann agus Seanad Éireann, inar moladh mo cheapachán.

I gCaibidil a Dó cuirim béim ar roinnt ceisteanna a neascraíonn ó ghearáin atá á scrúdú ag m�Oifig. Ina measc sin go príomha tá an deacracht a bhíonn agam gearáin faoi phleanáil údaráis áitiúil a scrúdú sa bhorradh foirgníochta reatha. Mar a tharlaíonn sé, tagraíonn na ceisteanna eile a ardaím sa Chaibidil seo d�údaráis áitiúla chomh maith.

I gCaibidil a Trí, dar teideal �An tOmbudsman, an Dlí agus an Saoránach - Cur Chuige bunaithe ar Luachanna�, déanaim athmheasúnú, ag cuimhneamh ar an rud dá dtagraítear mar an clár nuachóirithe do sheirbhís phoiblí na hÉireann, ar an ról a ghlacann Oifig an Ombudsman agus oifigí eile chun tacú le saoránaigh ina n-idirghníomhaíochtaí leis an Stát. I gcroílár an chláir nuachóirithe tá baint amach athraithe bhunúsaigh i gcomhlachtaí na seirbhíse poiblí. Go traidisiúnta, bhí siad sin fíorláraithe, faoi cheangal rialacha agus dolúbtha agus is é an tasc atá ann anois go mbeidís níos oiriúnaí agus níos freagraí do riachtanais agus éilimh athraitheacha. Is éard a bheidh le déanamh chuige sin ná níos mó béime a chur ar fheidhmiú ag leibhéal pearsan aonair, foirne agus eagraíochta araon chun torthaí agus aschuir níos fearr a bhaint amach. Déanaim iarracht a n-impleachtaí sin a mheas ag cuimhneamh ar fhorbairtí i ndlí riaracháin trí ní hamháin cearta saoránach a bhreithniú ach na luachanna atá mar bhonn den chaidreamh is ceart a bheith ag an Stát le saoránaigh a bhreithniú chomh maith. Cuirim i láthair chomh maith cuntais ar roinnt gearán atá bainteach leis na téamaí sin.

I gCaibidil a Ceathair áirítear raon cásanna níos ginearálta ar dhéileáil m�Oifig leo le linn 2000 agus i gCaibidil a Cúig agus a Sé tuairiscítear sonraí obair na hoifige in éineacht le sonraí staidrimh agus anailís ar chásanna a láimhsíodh i 2000.

Táim an-bhuíoch de m�fhoireann as an obair mhór a rinne siad agus as an ngealltanas a thug siad le linn na bliana ar fad. Is mian liom buíochas a ghabháil le m�Ard-Rúnaí, Pat Whelan, agus le Tom Morgan agus John Doyle as a n-obair chun an Tuarascáil Bhliantúil seo a ullmhú.

Back to contents